- nihal123Top contributor
- Posts : 6327
Join date : 2014-02-24
Age : 58
Location : Waga
විදෙස් සංචිත අඩුවේ - මහබැංකු වාර්තාවෙන් හෙළිවේ
මහ බැංකුව නිකුත් කළ මාර්තු මස මුදල් ප්රතිපත්ති විමර්ශන වාර්තාවේ මේ බව සඳහන්.
ඒ සඳහා ණය ආපසු ගෙවීම සහ රජයේ සුරැකුම්පත් වෙළෙඳපොළෙන් විදේශ ආයෝජකයන් සිය අරමුදල් ඉවතට ගෙන යෑමත් සමඟ ඉහළ ගිය විදේශ ඉල්ලුම සපුරාලීම සඳහා දේශීය විදේශීය විනිමය වෙළෙඳපොළට විදේශ විනිමය සැපයීම ප්රධාන වශයෙන්ම හේතු වූ බවද එහි සඳහන් වනවා.
එම වාර්තාවේ වැඩිදුර තොරතුරු පහතින්.
ජාතික පාරිභෝගික මිල දර්ශකය මත පදනම් වූ මතුපිට උද්ධමනය වාර්ෂික ලක්ෂ්යමය පදනම මත පෙර මාසයේ වාර්තා කළ සියයට 0.7 ක සෘණ අගය 2010 සාපේක්ෂව 2016 පෙබරවාරි මාසයේදී සියයට 1.7 දක්වා ඉහළ ගිය අතර වාර්ෂික සාමාන්ය පදනම මත සියයට 2.6 ක අගයක් වාර්තා කළේය.
මේ අතර මූලික උද්ධමනයේ ඉහළ යැමේ ප්රවණතාව, 2016 පෙබරවාරි මාසයේදී ද තවදුරටත් දක්නට ලැබුණු අතර වාර්ෂික ලක්ෂ්යමය පදනම මත මනිනු ලබන මූලික උද්ධමනය පෙර මාසයේ වාර්තා කළ සියයට 4.6 හා සාපේක්ෂව සියයට 5.7 ක් විය.
ශ්රී ලංකා මහ බැංකුව විසින් දැනටමත් ක්රියාත්මක කර ඇති ප්රතිපත්ති ක්රියාමාර්ග හේතුවෙන් වසරේ ඉතිරි කාලය තුළද උද්ධමනය පහළ - මැද තනි අගයක මට්ටමේ පවතිනු ඇතැයි අපේක්ෂිතය.
විදේශීය අංශය සැලකූ විට ජනවාරි මාසය තුළ අපනයන ආදායම පහළ යෑමට වඩා වැඩි වේගයකින් ආනයන වියදම් පහළ යෑම හේතුවෙන් වෙළෙඳ ගිණුමේ හිඟය , වාර්ෂික ලක්ෂ්යමය පදනම අනුව සියයට 9.1 කින් අඩු විය.
2016 පෙබරවාරි මාසය තුළදී සංචාරක ඉපයීම් සියයට 19.4 කින් ඉහළ ගිය අතර 2015 වසර තුළදී සියයට 0.5 කින් අඩු වූ සේවා නියුක්තිකයන්ගේ ප්රේෂණ 2016 වසරේ ජනවාරි සහ පෙබරවාරි කාලය තුළදී සියයට 8.0 ක වර්ධනයක් වාර්තා කළේය.
මුදල් අංශය පිළිබඳ සලකා බැලීමේදී මහ බැංකුවේ මුදල් ප්රතිපත්ති ක්රියාමාර්ග සම්ප්රේෂණය වීම සහ දැඩි මුදල් තත්ත්වයෙහි බලපෑම පිළිබිඹු කරමින් වෙළෙඳ පොළ පොලී අනුපාතික ඉහළ ගොස් ඇත.
මුදල් ප්රතිපත්ති ක්රියාමාර්ග සඳහා කාල පමාවකින් යුතුව ප්රතිචාර දක්වන පුළුල් මුදල් සැපයුමේ වාර්ෂික ලක්ෂ්යමය වර්ධනය 2015 වසර අවසානයේ වාර්තා වූ සියයට 17.8 හා සැසඳීමේදී 2016 ජනවාරි මාසයේදී සියයට 19.1 ක ඉහළ මට්ටමක පැවතුණි.
2015 වසරේ නොවැම්බර් මාසයේ සහ දෙසැම්බර් මාසය තුළ පිළිවෙළින් සියයට 27.0 සහ සියයට 25.1 ක්වූ පෞද්ගලික අංශය වෙත සපයන ලද ණය වර්ධනය 2016 ජනවාරි මාසයේදී සියයට 25.7 ක් විය.
ඒ අනුව 2016 ජනවාරි මාසය තුළ දී පෞද්ගලික අංශය වෙත සපයන ලද ණය ප්රමාණය රුපියල් බිලියන 43.6 කින් වර්ධනය විය. වෙළෙඳ පොළ පොලී අනුපාතික ඉහළ යෑමේ බලපෑම පිළිබිඹු කරමින් මුදල් සමස්තවල වර්ධනය ඉදිරියේදී ක්රමානුකූලව අඩුවනු ඇතැයිද අපේක්ෂා කෙරේ.
(උපුටා ගැනීම දිවයින /ශ්යාම් නුවන් ගනේවත්ත)
- See more at: http://offair.nethfm.com/article/36378#sthash.MtRMuOda.dpuf
- spw19721Active Member
- Posts : 683
Join date : 2015-08-22