- nihal123Top contributor
- Posts : 6327
Join date : 2014-02-24
Age : 58
Location : Waga
දවසේ වැඩි හරියක් මීදුමෙන් වැහි තියන රටේ සීතලම තැන, උසම කන්ද පිදුරුතලාගල
+පිදුරුතලාගලට මේ නම හැදිලා තියෙන්නේ 1940 දශකයේදි විතර. ඒ කාලේ නුවරඑලිය ප්රදේශයට ආවලු අධික වියලි කාලගුණයක් සහිත කාලයක්..පිදුරුතලාගල කදු මුදුනේ තියෙන්නේ තිරස්ව විහිදුනු ගල් තලාවක්. මේ ගල් තලාව වැහිලා තියෙන්නේ තෘණ වර්ග වලින්. ඉතින් මේ වියලි කාලගුණයට ඔය තිබුණු තෘණ වර්ග ඔක්කොම වගේ මැලවිලා ගිහින් කමතක පිදුරු තැලුවා වගේ ස්වරුපයක් අරගෙන තියනවා ..ඉතින් ඕක දැකපු නුවරඑලිය වැසියෝ කටවහරෙට කියල තියනවා පිදුරු තැලුණු ගල කියලා.ඕක නිසා තමා පිදුරුතලාගල කියන නම හැදිලා තියෙන්නේ .
+කන්දේ උසම ස්ථානයට ආවම සිමෙන්තියෙන් හදපු ප්රධාන දිශා හතර සලකුණු කරපු කුඩා කුළුණක් තියෙනවා. එහි මීටර් 2524 ක් ලෙස සටහන් කරලා තිබුනා.ඒ තමයි අපේ රටේ උසම ස්ථානය සලකුණු කරලා තියෙන සලකුණ.ඊට ඔබ්බෙන් තියෙනවා රණවිරු ස්මාරකයක් . ඒක හදලා තියෙන්නේ 1983 දී LTTE එක පිදුරුතලාගල මුදුනට එල්ල කල ප්රහාරයෙන් මියගිය නිර්භීත විරුවන් සිහිකිරීමට.
+පිදුරුතලාගල කඳු මුදුනේ වැඩි දෙනෙක් දන්නා එකම වටිනාකම වන්නේ ලංකාවටම රූපවාහිනී දර්ශන පැහැදිලිව ලබාදෙන ප්රධාන රූපවාහිනී විකාශන කුලුන ස්ථාපිත කරලා තියෙන එකනේ.හැබැයි, ඊට වඩා වටිනා තවත් සුවිශේෂී වටිනාකම් දෙකක් ඒ මුදුනේ ස්ථානගතව තිබෙන බව අපේ රටේ හුඟ දෙනෙක් දන්නේ නෑ.ඒ අතරින් එකක් තමයි,ශ්රී ලංකාවට පැමිණෙන හා ලංකාවෙන් පිටව යන සියලුම ගුවන් ගමන් පාලනය වන ප්රධාන රේඩාර් පද්ධතිය ස්ථාපිත කරලා තියෙන්නේ මේ කඳු මුදුනේ. කටුනායක සිට ලෝකයේ නැගෙනහිර දෙසට යන සහ එන සියලුම ගුවන් යානා යන එන මඟ තියෙන්නේ පිදුරුතලාගල කඳු මුදුනට ඉහලින්. ඒ ගුවන් යානා විතරක් නෙමෙයි, ලංකාවට හතර දිගින් එන සියලුම ගුවන් යානා පිළිබඳ සංඥ ලබන්නේ පිදුරුතලාගල තියෙන ප්රධාන රේඩාරයෙන් .
+පිදුරුතලාගල තිබෙන අනෙක් වටිනාකම තමයි ශ්රී ලංකා ගුවන් හමුදාව පාලනය කරන ආරක්ෂක හමුදාවන්හි රේඩාර් පද්ධතිය. ලංකාවේ ගුවන් කලාපයට හෝ ආරක්ෂක මුහුදු කලාපයට අනවසරයෙන් ඇතුල් වන හෝ ඉන් පිටවන ඕනෑම යාත්රාවක් , ගුවන් යානයක් පිළිබඳ තොරතුරු ලබාගන්නේ මේ රේඩාරයෙන්. කොටින්ම කිව්වොත් ලංකාවේ මුහුදු කලාපයට අනවසරයෙන් ඇතුල් වෙලා මසුන් අල්ලන ධීවරයන් ගැන තොරතුරු පවා දෛනිකව අපේ ආරක්ෂක අංශ දැනගන්නේ මේ සුපැහැදිලි රේඩාර් පද්ධතිය නිසා.
+මේ මෑතකදී ශ්රී ලංකා යුද හමුදාව පිදුරුතලාගල කඳු මුදුනේ ඉහල උන්නතාංශ පුහුණු මධ්යස්තානයකුත් ආරම්භ කළා.ඒ ගැන විස්තරයක් ඔය පින්තූර අතරේ ඇති.
+හොද පැහැදිලි දවසක ගියොත් ඔයාලට හග්ගල, ශ්රී පාදස්ථානය , කිකිලියාමාන , සින්ගල් ට්රී ,conical hill , හෝර්ටන් තැන්න , තොටුපොල කන්ද, මේ හැම එකක්ම පිදුරුතලාගල කඳු මුදුනේ ඉඳලා බලාගන්න පුළුවන්.පිදුරුතලාගල කඳු මුදුනේ පිහිටා තියෙන්නේ ලොව පවතින වටිනාම හා දුර්ලභම ගනයේ කඳුකර ශීත වනාන්තරයක්. ලංකාවටම ආවේණික මීවන වර්ග, බාඳුරා මල්, බිනර වර්ග, උඩවැඩියා වර්ග හා තෘණ පෙඳ පාසි වර්ග පිදුරුතලාගල ඝන වනාන්තරයේ දක්නට ලැබෙනවා.ඒ වගේම මේ රක්ෂිතයේදී දිවියන් ගෝනුන් බලාගන්නත් පුළුවන් . ඊටත් අමතරව ආවේනික පක්ෂීන් දඬුලේනුන් වැනි සතුන් හා සමනලයන් මේ පරිසරය තුළ බහුල යි.
+නුවරඑළිය නගරයේ සිට පිදුරුතලාගලට තියෙන දුර කිලෝමීටර් 8ක් විතර. උඩුපුස්සැල්ලාව පාරේ ගිහින් නුවරඑළිය සුසාන භූමිය ළඟින් හැරිලා ගැමුණු මාවත ඔස්සේ ගිහින් පිදුරුතලාගල වන අඩවියට ඇතුල් වෙන්න ඕනි.එතන යුද හමුදාව, වන සංරක්ෂණ දෙපාර්තමේන්තුව හා ගුවන් හමුදාව විසින් ආරක්ෂා කරන මුර කපොල්ලක්.හමුවෙනවා.එතැනින් ඇතුල්වී දිගු නැග්මක් සහිත අසීරු පටු මාවත දිගේ ඉහළට යන්නට අවසර තියෙන්නේ ඒ කඳුකර මාර්ගයට ඔරොත්තු දෙන අන්දමේ වාහනයකට විතරයි. මුර කපොල්ලේ ඉඳලා කඳු මුදුනට තියෙන දුර කිලෝමීටර් 4 ක්. ඒ මුළු දුරම, මුළු මාර්ගයම එකම නැග්මක් සහිත කන්දකි. වැලමිටි වංගු කීපයකුත් හමුවෙනවා. දුම්පානය හා මත්ද්රව්ය සපුරාම තහනම්.
+තවත් සුවිශේෂී පාරවල් කීපයක් තියනවා පිදුරුතලාගලට එන්න.(කඳු තරණය කරන්නන්ට තමයි මේ මාර්ග වැදගත් වෙන්නේ.)
1.මහනුවර තියන හන්තාන කදුවැටියෙන් පටන්ගෙන එන්න පුළුවන් කියලා.
2.මන්දාරම් නුවර හරහා යන පාර ( මේක ඉතා දුෂ්කරයි )
3.වගේම පුස්සැල්ලාව chariot path , රම්බොඩ හරහා තියන පාර.
4.ලූල්කදුර වතුයාය හරහා එන පාර (ලූල්කදුර වතු යායත් අයිති වන්නේ නුවරඑලිය දිස්ත්රි ක්කයට වගෙම පිදුරුතලාගල රක්ෂිතයට )
මම,
රංජන තන්ත්රීගේ Face book
- chutiputhaTop contributor
- Posts : 1948
Join date : 2014-11-09
Age : 37
Location : SL
Re: දවසේ වැඩි හරියක් මීදුමෙන් වැහි තියන රටේ සීතලම තැන, උසම කන්ද පිදුරුතලාගල
@Serene
- nihal123Top contributor
- Posts : 6327
Join date : 2014-02-24
Age : 58
Location : Waga
Re: දවසේ වැඩි හරියක් මීදුමෙන් වැහි තියන රටේ සීතලම තැන, උසම කන්ද පිදුරුතලාගල
ඔය serene හමුවන්නද නැත්නම් ........ ?