නව කොරෝනා වෛරසයේ ආර්ථික බලපෑම්

නව කොරෝනා වෛරසයේ ආර්ථික බලපෑම්
නව කොරෝනා වෛරසය තුලින් ශ්‍රී ලංකාවට දැනට එක් හොදක් වාර්තා වී ඇත.. එනම් ඇමරිකානු හා ඉරාන අර්බුදය සමයේ ජනවාරියේ ඩොලර් 70 ට අලෙවි වූ BRENT තෙල් බැරලයක් අද වනවිට (ලියන මොහොතේදී ) ඩොලර් 56.30 දක්වාත් ඇමරිකානු හා ඉරාන අර්බුදය සමයේ ජනවාරියේ ඩොලර් 65 ට අලෙවි වූ Wti Crude අද වනවිට 51.56 දක්වා පහත වැටී ඇති අතර එයට ප්‍රධාන හේතුව වී ඇත්තේ ලොව ප්‍රධානතම බොර තෙල් ආනයන කරු වන චීනය මේ දිනවල සිය අනයනයන් ගෙන් 20% අඩුකර තිබීමයි.. ඒ හේතුවෙන් ලොවේ බොර තෙල් සැපයුමේ අතිරික්තයක් තිබීමෙන් මිල මට්ටම් අඩුවෙමින් පවතියි...
චීනයෙන් හා ජාත්‍යන්තරයෙන් ලැබෙන ආරංචි මාර්ග වලින් හෙළිවන්නේ නව කොරෝනා වෛරසය චීනයේ quarantine කර නොමැති ප්‍රදේශ කරාද පැතිරෙමින් පවතින බවත් . මෙම දරුණු තත්වය පෙබරවාරි අවසන් වන තුරු පාලනය කල නොහැකි වන බවයි...එසේ වුවහොත් බොරතෙල් 40 දක්වා අඩුවීමට ඉඩක් තිබේ ...
එහෙත් එසේ කඩා වැටීම වැලක්වීමට ඔපෙක් සංවිධානය හා රුසියාව මැදිහත් වී බොරතෙල් සැපයුම අඩු කිරීමට ඉඩ ඇත...එහෙත් එය ලොවේ අංක එකේ තෙල් ආනයන කරුගේ අඩු වී ඇති ඉල්ලුම ට සාපේක්ෂව සිදු කර හැකි දැයි සැකසහිත අතර එසේ අපොහොසත් වුවහොත් තෙල් මිල ක්‍රමයෙන් 40 දක්වා කඩා වැටීමටත් ඉඩක් ඇත...
චීන දින දර්ශනයට අනුව ලුනාර් නව අවුරුදු උදාවෙන් පසුව ජනවාරි 31 දින අවසන් වීමට තිබු කොටස් වෙළද පොලේ කටුයුතු හා රාජ්‍ය අංශයේ කටුයුතු , චීනයේ පැතිරෙමින් පවතින නව කොරෝනා වෛරසය හේතුවෙන්, චීන රජය දින 3 ක් දීර්ඝ කිරීමෙන් පසුව අද දින කොටස් වෙළද පොළේ කටයුතු ඇරඹුණු අතර කොටස් වෙළද පොළ කඩ වැටීම වැලක්වීමේ අවධානම පාලනය කිරීමට ඊයේ චීන මහ බැංකුව නිවේදනය කලේ පවතින තත්වය හමුවේ චීන ජනතාවගේ ක්‍රය ශක්තිය (මිලදී ගැනීමේ හැකියාව ) වැඩි කිරීමට යුවාන් ට්‍ර්ලියන 1.2 හෙවත් ඇමරිකානු ඩොලර් බිලියන චීන 173 වෙළද පොළොට මුදා හරින බවයි...
එවන් තත්වයක් මත අද දින චීනයේ ෂැන්හයි කොටස් වෙළද පොළ හා ශේන්සැන් කොටස් වෙළද පොළද සිය ව්‍යාපාරික කටුයුතු ඇරඹු අතර එහෙත් චීන ආයෝජකයින් ගේ බලාපොරොත්තු කඩ කරමින් ෂැන්හයි කොටස් වෙළද පොළ 7.72% % හ ශේන්සැන් කොටස් වෙළද පොළද 8.46% කඩා වැටී ඇත..
එය චීන ආයෝජකයින් තවත් පිඩනයක ලක් කිරීමක් වී ඇත... විශේෂයෙන් තවදුරටත් සුළු ආයෝජකයින් මෙහිදී වඩාත් භීතියට පත්ව තමන්ගේ කොටස් අලෙවි කරමින් පවතින අතර මේ වනවිට කොටස් වෙළද පොළ පැතිර යන මතය නම් මෙම නව කොරෝනා වෛරසය තව දුරටත් ව්‍යාප්ත වනු ඇති බවත් , ඒ හේතුවෙන් කොටස් වෙළද පොළ තව දුරටත් කඩා වැටෙනු ඇති බවයි..
එහෙත් මෙවන් ව්‍යවසනයක් මත කොටස් වෙළද පොළ මෙසේ කඩා වැටීමක් අපේක්ෂා කල හැකිය...
එසේම මුදල් ඒකකය වන යුවාන් ද 1.5% දුර්වල වූ අතර එය ඩොලරය 7.00 ලෙස මේ වනවිට හුවමාරු වෙමින් පවතියි
චීනයේ තවත් නගරයකට නව කොරෝනා වෛරසය ව්‍යාප්ත වී සති අතර ඒ ගැන ලිපිය 3 ට බලාපොරොත්තු වන්න
පෙබරවාරි මස 03 දින පස්වරු
ජෝසප් ඩයස් (Joseph Dias )
JSD News LINE