රහතෙකු වන නිවැරදි මග 1 ( සිරි සමන්තභද්‍ර මහා ස්වාමින් වහන්සේ )

මීට වසර 10කට පෙර අප රට වැසියන් ගෙන් සැලකිය යුතු පිරිසක් වික්ෂිප්තව ඇස් අදහා ගත නොහැකිව මිනිසුන් විසින්ම නිර්මාණය කරන ලද යම් කිසි වස්තූන්ගෙන් රැස් දහරා නිකුත් වන බව ප්‍රකාශ කරමින් ඒ ස්ථානයන්ට පොර කමින් රැස් වුනා යමෙකුට මතක ඇතුවා විය යුතුය. ඒ සමයේදී එය දෘෂ්ඨි මායාවක් බවට කරුණු නිසි පරිදි ගෙන හැර දක්වමින් අන්ධ මිත්‍යාවාදීන් ලෙස සාවද්‍ය කරුණක් අරභයා රැවටීමට ලක්වී ඇති බවත් එය අනාගතයේදී දරුණු ලෙස බලපෑ හැකි බවත් එනිසා එවැනි වැරදි මත වලට නොවැටී නිසි මග යන ලෙසටත් මූලිකවම දැඩි පරිශ්‍රමයක් දරා පෙන්වා දීමට උත්සුක වූයේ කවුරුන්ද යන්න ගැන තතු දන්නෝ හට රහසක් නොවේ.

එවැනි උතුම් ක්‍රියාවක් සිදු කිරීමට උරදුන් පුද්ගලයෙකුට වුවද එක්තරා මට්ටමකට මනසේ කෙලෙස් යටපත් වෙමින් සන්සිඳීමකට පත්වෙමින් එන විටදී එය වැරදි ආකාරයෙන් හඳුනාගෙන තව දුරටත් යටපත් වෙමින් ඇති කෙලෙස්ම වෙනස් මුහුනුවරකින් පැමිනෙමින් වැරදි සංඥාවක් ඔස්සේ වෙනස්ම වූ මානයකට ඒ කෙනාව රැගෙන යාමටද බොහෝ සෙයින් සම්භාවිතාවයක් පවතී. එයින් පසු තමා පිළිබඳව වෙනස් ආකාරයකට දැනීමට පටන් ගන්නා බව අදාල බුද්ධ දේශනා පරිශීලනය කර ඇති අය හෝ එවැනි දේශනා ධර්ම දේශනා මාර්ගයෙන් අසා ඇති අය හොඳින්ම දනී. අප වැඩි දෙනෙකුට සිදුවී ඇති ඉතා අවාසනාවන්ත තත්වය නම් නිවැරදිව දේශනා කරන ලද පිරිසිදු දහම සොයා ගැනීමට ඇති නොහැකියාව සහ ඒ සඳහා නිසි මාර්ගයක් නොමැති කමයි.

මාස කිහිපයක් තිස්සේ යම් පරිශ්‍රමයක් ගැනීමෙන් අනතුරුව එය සාක්ෂාත් කර ගැනීමට අද වන විට හැකියාව බොහෝ සෙයින් උදාවී ඇති බව නොදත් වැඩි දෙනෙක් අඳුරේ අත පත ගාමින් නිසි මාර්ගය සොයා ගැනීමට නොහැකිව ඉතා අසරණව සිටින අයුරුත් වැරදි මාර්ගයක්ම ඔස්සේ යමින් තම තර්කන හැකියාව උලුප්පා දක්වමින් තම මතය ජය ගනිමින් එයම සත්‍ය බවට ඔප්පු කර පෙන්වීමටද සමත් කමක් පෙන්වයි. කෙසේ වුවත් තම හෘද සාක්ෂියට අනුවම අවංක උත්සාහයක් ගන්නා කෙනෙකුට නිර්මල බුදු දහම යනු කුමක්දැයි යන්න ගැන සොයා ගැනීමට අවස්ථාව මේ වන විට උදාවී ඇති බව කිව යුතුමය.

එය තම තමාගේ නැණ පමනින්ම අවබෝධ කරගත යුතු දෙයක් මිස, නිශ්ඵල තර්ක විතර්ක මත පදනම් වෙමින් අනවබෝධය දෙසටම නැමී අවසානයේදී කිසිදු ප්‍රතිඵලයක් නොලබාම අකුසලයම රැස් කරගෙන සතර අපායෙන් එකකට ඒකාන්තයෙන්ම යෑමට මාර්ගය ඉතා පහසුවෙන් විවර කර ගැනීමක් කිසිසේත්ම නොවිය යුතුය. පුද්ගලිකව තමා නිරන්තරයෙන්ම අවධානය යොමු කල යුත්තේ තමාට නොපෙනෙන එහෙත් තමා දෙසටම යොමුවී ඇති අදාල සිව් ස්ථානයන් වෙත නිරායාසයෙන්ම ඇදී යාමට තුඩු දෙන්නාවූ හේතූන් හඳුනා ගෙන ඒවායින් මිදීමට වහ වහා කටයුතු ඉෂ්ඨ සිද්ධ කර ගැනීම විනා අන් පුද්ගලයන්ගේ ඇති වැරදි අඩුපාඩු සෙවීම නොවේ. ස්වකීය නොපසුබස්නා වීර්යය උපකාරයෙන් තමා තමාවම උපමාවට ගෙන ඒ අනුසාරයෙන් තමාටම පිහිටක් වනු විනා අන් කිසිවෙකුටවත් තමාව ඉහතකී දුගතීන් වලින් මුදවා ගත නොහැකි බව සියල්ලෝම ඒකාන්තයෙන්ම අවබෝධ කර ගත යුතු සත්‍යයයි.

අප ඇත්ත වශයෙන්ම අද මේ තත්වයෙන් සිටින්නේ අතීතයේ සිටි උතුම් මනුෂ්‍යයින් නිසා බව අපට අමතකව ගොස් ඇතැයි දෝයි මට නම් සිතේ. තර්ක කිරීම් නිවැරදි අවබෝධයක් නිසි ලෙසින් ලබා ගැනීමට ඉතා ප්‍රයෝජනවත් විය හැක. සියල්ලටම කලින් වර්තමානය ගොඩ නැගී ඇත්තේ අතීතය මත හෙයින් ඒ ගැන නිසි අවබෝධයක් ලබා ගැනීමට පහත මෙම දේශනාව උපකාරී වේ යැයි විශ්වාසයක් ඇත.
http://www.filedropper.com/historyofthebuddhisminsrilanka

මාර්ගඵල සම්බන්ධයෙන්ද මෙම දේශනාව යම් අදහසක් ලබා ගැනීමට ප්‍රයෝජනවත් වේය යන උපකල්පනයද පෙරදැරිව එයද පහත මෙහි ඇතුලත් කිරීමට සිත් විය.
http://www.filedropper.com/margapalaprakashaya